阿東的分享
TO 各位弟兄姊妹
哈哈，看來我阿東是第一個在網上面分享的呢？！而家真係好， 好處就係可以喺網上分享，唔單止在家簿裏，又可以給更多人看。 所以咪好好囉，我真的，真的希望大家可以在此作出你自己最真誠 的分享。
其實大家有冇想過，自己會無端端做D自己平時唔會做的行為呢？話說有一日，我同一個同學討論一個非常嚴重的問題----就是坐我斜對面的女同學是否有神經病，E個問題都講咗好耐，他們大多是老屈 加老吹加老點，即是天馬行空啦。跟住，到咗中文堂 ，第二堂因為 我冇帶習作，所以坐咗喺度，之後我後面個同學又追問先前討論的問題，他好像當真的，又話係咪真？叫我快D講真?當時我個心唸，都傻�H，有冇腦㗎！當然冇講出口啦，之後我無端端問佢,喂!你覺唔覺你 E家D生活好虛空。(嚴重聲明！係無端端問。)在講之前介紹一下我後面的同學先，佢經常去D不良地方，又做D不好的事，已經被老師列入五大衰人之一，佢已經是最衰之中最好的一個。當時又冇嘢做，咪同佢吹吓水囉。講番之前，我問完佢之後，佢唸咗一陣....................佢話：我覺得。聽到之後我都呆咗一呆，心唸(點解究佢會答噤認真？)跟住我就話，我就充實得多，平時多事要做，星期六、日又番教會，D時間都唔夠用........又講平時幾開心，佢好留心聽我講�H嘢，之後我又喺我個書包度拿出一個獎(最精彩旅 程嗰個)，當佢見到之後呢，嘩---嗰樣仲好出奇，就問我係乜來的，我咪答囉。
佢對我D生活好似有D興趣，所以我就乘勝追擊，我就問佢講：Ｅ家我Ｄ生活幾充實呀！又多事做，邊似得你吔呀！你体下(我用手指著 那些在堂上睡覺的人)，唉佢哋日日冇事做，至多咪周圍蒲，有用咩？(跟住我怱然覺得佢好需要福音，而且亦想起一D技巧就係俾佢知道福音對佢的幫助及他想有的。)我就問：你知唔知我點解噤充實，每日 都噤開心？我就同佢講：其實我係有耶穌基督�H愛，衪正正就能填滿你空虛的心靈,之後我指住隔離條友仔(其實佢喺sleeping我先指)^_^ 佢玩跳舞機有叻都好，咪又會玩厭，始終都係會不斷追求其他好玩�H 0野不斷去填補心裏的空虛，但係又填唔滿，只係不停兜圈吧！(他這時好像有點認同) 我又話，你又唔努力讀書，第時點呀？你唸下啦，我又唔同呢，你体下我(拿了些超高分�H測驗比佢睇等佢知道我同佢 之問�H分別，嘗試用這個話題同佢講褔音。（注意：各弟兄姊妹必需是高分的才可使用^_^)
我以前又好似你噤，唔衰唔做，但係番咗教會後，我努力咗好多，成績好多咗超多，E D咪神俾到我有力量囉！跟住佢問：係咪番教會 可以升中六㗎？我心唸你都傻�H，咁得重得了^_^ 。我話：緊係唔係啦，都要自己努力的，再求神賜你的力量就一定得。我又話 ：一生 人只得一次的黃金機會，只得一次(強調地說)。如果唔努力，冇知識、冇財力、冇智慧，又點可以抓住機會呢？ (注意：使用時可以更激動，更誇張說出讀書的重要，以表示自己是關心佢，再說出神可以俾到佢D乜) 之後我就講努力讀書啦。 (注意：最精采的高潮來了！！！)
之後我話日日都開心到死，我又問：你又有冇真正開心地笑？佢頭向下望，不作聲很久，一直唔出聲.......... ........... 終於 開 口啦，佢答冇！！！！！！唉！！真是可悲，於是我乘勢進攻， 再說：你同佢地最多咪皮肉之笑，再唔係咪又係講無聊嘢笑，唉！幾時會有真開心至得㗎。Yes，完全擊中，E一句說話就像忽然而來的重拳，打中了要害一樣，他頓時表情全無，好像跌入一個無底而黑暗的深谷 ....... 之後我話，我就唔同(又係E句^_^)，我的朋友，成日同我玩，喺教會，我識得大把朋友，而且團契又多姿多采，叫口号都玩餐傻，又唔會有人話你樣衰，融洽到不得了，作体吓，我成日都笑，都唔知幾正呀！(注意：大家可以多作舉例，再重拳出擊，效果 更佳，更留意自己要多點笑容。) 跟住我話，我不如俾D嘢你，(我又在書包中拿出佈道會書簽 )，嗱，給你的。這候他問我是甚麼，我說這個聚會是給未信的人去相信的，或許他能改變你的一生！(在我 的感覺，他好像在黑暗無助的地方看見了一道的𥌓光。)又再說我看過許多的衰人得救見證給他聽，最後我都話唸吓啦，得我咪帶你去囉，到了這裡，這個分享亦完結 .........四分之三而已。
我很開心，因為我能夠播下褔音的種子給那同學，真是感謝神，因為衪賜下聖員給我說一些超屬靈的說話，其實我有用心祈禱，再加上信心，各弟兄姊妹，你又可以嗎？看看身邊的人，是否有需要呢？試下想想身邊朋友的所需吧！ 他等待你^_^
不能盡善盡美請原諒！
弟兄 東
1999年10月31日